المشاركة الأصلية كتبت بواسطة النايف

مشكوره اختي لعوبه عالموضوع الشيّق

وهاي من ذوقج الرفيع

وصراحه استمتعت بطفولة اهات الجميله

وطفولة لاف قطر خخخخخخخخخخخخ

اما النمل في البيبسي غريبه للحين حيه

الله يعطيكم العافيه عالطفولات المميزه

العفووو اخوي الناايف والذووق منك وفيييك

والله لا يهينـك على المـرور الراقي والمتميـز

المشاركة الأصلية كتبت بواسطة أحساس طفله

موضوع حلووو وشيق..

يسلموو أختي العوبه ع الطرح المرح..

وأستمتعت بقراءة طفولة الاعضاء.


ودي.

يسلمج ربي ويخليـــــــج على التواجد الرائــع

لاهـان قدررج على الرد الراقي


تقبلي مني ارق تحيــــــــــه

المشاركة الأصلية كتبت بواسطة في الضحى

االسلام عليك ورحمة الله وبركاته

مشكورين ع الموضوع الجميل

وتسلمين لولو دوم توهقيني
ماعليه بيلج يوم وبوهقج توهيقه عدله

نشيد كنت تحبه أيام الطفوله ؟؟
انظر لتلك الشجره ذات الغصون النظره كيف نمت من حبت وكيف صارت شجره
كنت سنداره وايد اقولها ..

شخصيه كرتونيه كنت تحبها ؟؟
رانزي الساحره ولين الحين احبها

كيف كنت ايام طفولتك شيطاني ولامؤدب ؟؟

شيطانه من قلب
وسويت جرايم وايد
لعبت بالجبريت وحرقت سرير
ونزلت تحت اصيح اني حرقت شوي من صبعي
بعدين اكتشوا الجريمه الي سويتها
وايد صراحه شبقول شبخلي..
بس الحين تغيرت كلش

ماهي المواقف التي عرضتِ فيها اهلك للاحراج؟؟
امممم مره في الطياره رايحين البحرين يقولون صرخت صريخ
كل الي في الطياره ما صدقوا ان وصلوا حتى المظيفين

هل كنتِ شخص ذو شخصيه قويه أم مغلوب عليه ؟؟
لا كنت مجرمه

موقف حصل في طفولتك كان له دور في تغيير مجرى حياتك؟؟
ما ذكر

اكبر عيديه جمعتها كم ؟؟ ومن مين ؟؟
امممم مادري

يوم كنت صغير وش هي تسريحتك المفضلة ؟؟
لا كنت كل يوم شكل ..

يوم كنت صغير تلعب بكمبيوتر العائله ؟؟
ماكان فيه ..

اكبر مغامره قمت فيها وانت صغير..؟؟
مغامره امم مادري كله نلعب خشيشه
وانخش في اماكن مينونه ..
واخبر مره بطلت الدريشه ونخشيت برا ع الطرف زين ما طلحت بس

من هو الشخص اللي يقع دائمأ في شر اذيتك..؟؟

اخوي الاصغر مني

يوم كنت صغير كنت تترأس عصابه ام انك كنت عضو فيها فقط؟؟

هههههه لا كنت العب مع الي اكبر مني هم الزعماء

من كـان يدلعك أكثر أبوك ِ او أمك ؟
امي

اســم دلعك بالطفوله لحد الان ينادونك فيـه ؟؟ وماهو ؟؟

هههههه ما اقدر اقول

بطفولتك كنت تبكي إذا ماجلست بالاول بالطابور اوالفصل ؟؟

لا اصلا احب اقعد ورى

عندك عضويه بالسن توووب ؟؟

لاااااا

كنت دب وانت صغير او نحيف..؟؟
امم لين 3 سنوات دبه بعدين مادري شصار

هل عندك لعبه موجوده من صغرك إلى الآلآن ؟ وماهي ؟؟
لا باربياتي كلهم عندي محتفظه فيهم

وش اكـثـر حلاوة كنـت تحبها ..؟
كنت احب الخلاوه الي تاكله ويسوي جراخيه

وش اسم اول مـدرس درسك ..؟
الله يذكرها بالخير كان اسمها جميعه اذكرها لانها وايد كانت اطق وعندها 3 مساطر ملزقه

هـل كـنت تـعانـي مـن اخـطاء فـي مخـارج الحـروف ..؟
لا عادي

وانت صغير يشبهوك على مين من العائله..؟؟
عماتي

امممممم واختار بعدي
العميد ..

العفووووووووووو

وطفوووووووولتج حييييييل ممتعــه

تقبلي ودي

المشاركة الأصلية كتبت بواسطة al-q6ry

بسم الله الرحمن الرحيم

يعطيج الف عافيه يا العووبه

موضوع رائع وشدني واستمتعت بأجوبه الاعضاء


وشكرا على الاختيار يالعميد


_____________________________


نشيد كنت تحبه أيام الطفوله ؟؟
كنت احب اردد
طلع البدر علينا من ثنيات الوداع

وجب الشكر علينا ما دعى لله داع

أيها المبعوث فينا جئت بالأمر المطاع
جئت شرفت المدينة مرحباً يا خير داع


شخصيه كرتونيه كنت تحبها ؟؟
النينجا ( كابامارو )



كيف كنت ايام طفولتك شيطاني ولامؤدب ؟؟
كنت شيطاني واحب اللعب والمغامره

ماهي المواقف التي عرضتِ فيها اهلك للاحراج؟؟
ما اذكر سببت احراج حق الاهل حق نفسي وااايد

هل كنتِ شخص ذو شخصيه قويه أم مغلوب عليه ؟؟
شخصية قوية


موقف حصل في طفولتك كان له دور في تغيير مجرى حياتك؟؟
لا يوجد

اكبر عيديه جمعتها كم ؟؟ ومن مين ؟؟
ما كنت احسب
اي فلوس تجيني اروح الدكان على طول


يوم كنت صغير وش هي تسريحتك المفضلة ؟؟
مرات قرعه ومرات كابوريا
مافي غيرهم ايام الطفوله


يوم كنت صغير تلعب بكمبيوتر العائله ؟؟
ماكان فيه كمبيوتر حزتها


اكبر مغامره قمت فيها وانت صغير..؟؟
بايق سياره من البيت ولحقتني الشرطه وصار لي مثل افلام المطاردة والاكشن


من هو الشخص اللي يقع دائمأ في شر اذيتك..؟؟
كل اخواني وخواتي اللي اصغر مني


يوم كنت صغير كنت تترأس عصابه ام انك كنت عضو فيها فقط؟؟
كنت زعيم العصابه


من كـان يدلعك أكثر أبوك ِ او أمك ؟
الوالده


اســم دلعك بالطفوله لحد الان ينادونك فيـه ؟؟ وماهو ؟؟
الوحش ... مادري ليش مع اني طيب


بطفولتك كنت تبكي إذا ماجلست بالاول بالطابور اوالفصل ؟؟
لا بالعكس كنت استانس


عندك عضويه بالسن توووب ؟؟
اخبر السن توب عصير شلون تصير فيه عضوية


كنت دب وانت صغير او نحيف..؟؟
كنت نحيف


هل عندك لعبه موجوده من صغرك إلى الآلآن ؟ وماهي ؟؟
لا كلهم انقرضوا



وش اكـثـر حلاوة كنـت تحبها ..؟




وش اسم اول مـدرس درسك ..؟
شحته ابو عنزه


هـل كـنت تـعانـي مـن اخـطاء فـي مخـارج الحـروف ..؟
لا


وانت صغير يشبهوك على مين من العائله..؟؟
الوالد




اختار بعدي ( عاشق قطر )

الله يعـــــــــــافيك يالغلا على المرور

ويعافيك ربي ويخليك

لاهنت على المشـاركـه المتميـزه

المشاركة الأصلية كتبت بواسطة حلا الورد

أخويتيه الله يعطيج العافية على الموضوع


ودى

يعااااافيج ربي يالغلاا

ولاهنتي على المشـــــــــاركــه

المشاركة الأصلية كتبت بواسطة عاشق QــTــر

مشكور اخوي القطري ع الاختيار

نشيد كنت تحبه أيام الطفوله ؟؟

حمامه نودي نودي سلمي على حموودي

حمودي راح المكه

يجيب ثوب العكه

ويحطه في صندوقي
صندوقي ماله مفتاح

المفتاح عند الحداد
والحداد يبي عروس

والعروس تبي العيال

والعيال يبون حليب

والحليب عند البقر

والبقر يبي حشيش

والحشيش فوق الجبل

والجبل يبي مطر

والمطر من عند الله

شخصيه كرتونيه كنت تحبها ؟؟
ببيرو
((النسر الذهبي))

كيف كنت ايام طفولتك شيطاني ولامؤدب ؟؟
شيطاني

ماهي المواقف التي عرضتِ فيها اهلك للاحراج؟؟

وانا صغير كنت ياهل اخذت مكينة الوالد مالت الحلاقه
وخربت شعري وحلقت نص حواجبي صار ويهي خريطه
هل كنتِ شخص ذو شخصيه قويه أم مغلوب عليه ؟؟
قويه

موقف حصل في طفولتك كان له دور في تغيير مجرى حياتك؟؟

لايوجد

اكبر عيديه جمعتها كم ؟؟ ومن مين ؟؟
ماذكر لاني اخذ واحط بمخباتي ع طول بس عمي الله يرحمه اهو اللي كان يعطيني وايد وعمتي

يوم كنت صغير وش هي تسريحتك المفضلة ؟؟
ع قولة اخوي القطري كابوريا او او اطول شعري لاني احب اطوله يوم كنت صغير

يوم كنت صغير تلعب بكمبيوتر العائله ؟؟
مكان في وقتها كمبيوتر

اكبر مغامره قمت فيها وانت صغير..؟؟
بطيت راس الدريول وسرقت السياره ودعمت باب بيتنا

من هو الشخص اللي يقع دائمأ في شر اذيتك..؟؟
ولد عمي

يوم كنت صغير كنت تترأس عصابه ام انك كنت عضو فيها فقط؟؟
انا البوووس مال العصابه بس كل شي يطيح في راسي انا الضحيه

من كـان يدلعك أكثر أبوك ِ او أمك ؟

امي وابوي بس ابوي اكثر
اســم دلعك بالطفوله لحد الان ينادونك فيـه ؟؟ وماهو ؟؟
بوحنه ((الحنان))

بطفولتك كنت تبكي إذا ماجلست بالاول بالطابور اوالفصل ؟؟
لاعادي

عندك عضويه بالسن توووب ؟؟
لالا

كنت دب وانت صغير او نحيف..؟؟
كنت دبدوب الين 3 سنوات عقب صرت ضعيف

هل عندك لعبه موجوده من صغرك إلى الآلآن ؟ وماهي ؟؟
كان عندي رسك وشطرنج بس مادري وينها الحين اذكرها من سنتين

وش اكـثـر حلاوة كنـت تحبها ..؟

ماكنتوش

وش اسم اول مـدرس درسك ..؟
المدرس شوقي والزعيم

هـل كـنت تـعانـي مـن اخـطاء فـي مخـارج الحـروف ..؟

لا
وانت صغير يشبهوك على مين من العائله..؟؟
عمي الله يرحمه ويسكنه الجنه

تحياتي لكم واختار حلا الورد

لااااهنت على المشـــــــــــاركـه الرائعـه

ههههههههههههههههههههههههههههه

وصراحــه خوووووووووش طفوله ولا احلى

بمـــــــــــا إن اختنـا حلا الورد تأخرت فأنـا حابــه اختـار عضو ثاني ليـــــن ماترجـع وتــرد على الموضوع وبأنتظـار ردهـا بس علشان مايوقف نشـــــاط طفولاات اعضاءنـا

اختـــــــــــار اخوي النــــــــــايف

هلا والله باختي العويه وعساج عالقوه

لا اختي فديتج انا اللي اختارتني اختي حلا الورد وكتبت طفولتي بس ما اخترت منو اللي بعدي

وانتي اخترتي اخوي النايف اختيار موفق